Cicero, De Republica (XML Header) [genre: prose] [word count] [lemma count] [Cic. Rep.]. | ||
<<Cic. Rep. 3.27 | Cic. Rep. 3.33 () | >>Cic. Rep. 3.34 |
3.28
-- -- Gel . N .A . 1.22.8
Non . 323M , 324M
Lactant . Div . Inst . 6.8.6
ch. 21
3.32Non gravarer ,Laeli ,nisi et hos velle putarem et ipse cuperem te quoque aliquam partem huius nostri sermonis attingere ,praesertim cum heri -- --
ipse dixeris te nobis etiam superfuturum .Verum id quidem fieri non potest ;ne desis ,omnes te rogamus .
sed iuventuti nostrae minime audiendus ;quippe ,si ita sensit ,ut loquitur ,est homo impurus ;sin aliter ,quod malo ,oratio est tamen immanis .
ch. 22
3.33Est quidem vera lex recta ratio naturae congruens ,diffusa in omnes ,constans ,sempiterna ,quae vocet ad officium iubendo ,vetando a fraude deterreat ;quae tamen neque probos frustra iubet aut vetat nec improbos iubendo aut vetando movet .Huic legi nec obrogari fas est neque derogari ex hac aliquid licet neque tota abrogari potest ,nec vero aut per senatum aut per populum solvi hac lege possumus ,neque est quaerendus explanator aut interpres eius alius ,nec erit alia lex Romae ,alia Athenis ,alia nunc ,alia posthac ,sed et omnes gentes et omni tempore una lex et sempiterna et immutabilis continebit ,unusque erit communis quasi magister et imperator omnium deus ,ille legis huius inventor ,disceptator ,lator ;cui qui non parebit ,ipse se fugiet ac naturam hominis aspernatus hoc ipso luet maximas poenas ,etiamsi cetera supplicia ,quae putantur ,effugerit .
ch. 23
Cicero, De Republica (XML Header) [genre: prose] [word count] [lemma count] [Cic. Rep.]. | ||
<<Cic. Rep. 3.27 | Cic. Rep. 3.33 () | >>Cic. Rep. 3.34 |